لميس الحديدي: “لا يتم بناء مصر برأي واحد وشفنا دا في عصر عبد الناصر .. وهقولها حتى لو مطلعتش بكرة”

شنت الإعلامية لميس الحديدي هجومًا حادًا على الوضع السياسي الحالي في مصر، قائلة: “الصورة الكاملة بتقول إن هناك غياب للسياسة في مصر”.

وأضافت الحديدي، خلال حلقة السبت من برنامج “هنا العاصمة”، المذاع عبر فضائية “سي بي سي”: “أنا هقول الكلام ده والأجر على الله طلعت بكرة أو مطلعتش بكرة، شالوني من على الهوا، أنا هقول الكلام اللي لازم أقوله”.

وتابعت: “هناك غياب وتغييب للسياسة في مصر وعاملنا السياسة باحتقار، وعاملنا أي حد بيشتغل في السياسة على أنه عميل، ولا يوجد مستشارين للرئيس والرئيس لازم تكون حوله مجموعة استشارية زي العالم كله”.

وأضافت: “هناك جزء يتحمله النظام في تغييب السياسة، وجزء تتحمله الأحزاب في تغييب السياسة”.

وأوضحت: “لا يتم بناء دولة برأي واحد.. شفنا دا في عصر عبد الناصر وهو نفسه في اجتماعات مارس اللي بعد النكسة قال نحن غيبنا المعارضة”.

واختتمت: “لا بد من أن نستمع للرأي الآخر وألا نخاف منه. السياسة تبني الدول ولا تهزمها. اللي بيهزم الدول الانفراد بالقرار. اللي بيهزم الدول الرأي واحد”.