موقع مصر الجديدة الإخباري
حديقة الحيوانات بالجيزة

“تجربتى فى زيارة جنينة الحيوانات فى الجيزة”

عاوز احكى عن تجربتى فى زياره جنينة الحيوانات فى الجيزة ، اليوم ده اثبتلى ان فعلا المشكلة عندنا فى الناس مش فى الفلوس والإمكانيات والانشاءات ، الناس و نوعيتهم وثقافتهم هو اصل البلاء و لو عملنا مليون مشروع هيبقى مفيش امل طول ما دى النوعية اللى موجودة

تذكرة الدخول بخمسة جنيه و طبعا ده رقم مستحيل يصرف على جنينة زى دى فيها حيوانات بمليارات وجيوش موظفين و دكاترة و اكل و صيانة ، النتيجة ان الدنيا خربانة جوا والحيوانات قذرة و الموظفين بيشحتوا

جزيرة الشاى اللى كانت ملتقى الصفوة زمان و بتتصور فيها الأفلام و بيخرج فيها نجوم المجتمع بقت ارض تراب فيها كراسى بلاستيك و مشغلين اغانى مهرجانات شعبى وعامل واقف بيرش ميا من الجردل

الغالبية العظمى من الناس جوا الجنينة ناس فى قمة القرف والوساخة والهمجية وحاجة تقرف الكلب ، الموضوع مالوش علاقة بالغنى والفقر لأن الناس زمان كانوا فقرا بردو إنما فى ذوق و عندهم الدرجة الأدنى للأهتمام بالمظهر والنضافة الشخصية إنما اللى وصلنا له ده مهزلة

حيوانات بمليارات و اراضى و جناين بمليارات عشان شوية حثالة كل واحد فيهم يدفع ٥ جنيه و يدخلوا يفرشوا ملايات و يحطوا حلل المحشى و الطبيخ ويطفحوا وحواليهم العيال حافية بتشخ فى النجيلة ، الكلام ده بيحصل فى واحدة من المعالم السياحية لمصر واكبر حديقة حيوان فى الشرق الاوسط

ايه اللى يخلى واحد ينزل من بيته يروح جنينه الحيوانات بجلابيه البيت و الشبشب الجلد؟
ايه اللى الستات لابساه ده؟
الناس بقت بتشترى هدوم من محلات تنجيد الكنب ولا ايه !
وتانى الذوق والنضافة مالهمش دعوة بالفلوس عشان ولاد الوسخة اللى هيدخلوا يزايدوا ويمثلوا

جحافل رعاع بتقطع الزرع و تشخ فى الجناين و يطلعوا دين الحيوانات برمى الطوب وفروع الشجر ، و بيرموا الزبالة فى بحيرات البجع وكلاب البحر و التماسيح ..
ايه المستوى اللى وصلنا ليه ده؟
الاشكال دى مفروض تبقى هى اللى جوا الأقفاص مش براها

والواضح ان للأسف دى بقت تصرفات و ثقافة ومناظر الغالبيه من الشعب ده ، شعب اتشوه بالكامل و الجهل خلص عليه ، طول ما الناس دى عايشه بالشكل ده و بتتناسل هيبقى مفيش فايده فى اى حاجه تتعمل جوه البلد ، المشروع الحقيقى المفيد دلوقتى هو مشروع بناء مواطن متحضر يقدر يبنى مش يشوه و يهد

الاشكال الضالة اللى شفتها هناك دى خساره فيها اى حاجة لأنهم بينشروا القبح والتشوه فى اى مكان ، الجنينة دى لازم تتقفل و يتعاد صيانتها وإنقاذ حيوانتها و بعدين تتفتح بتذاكر غاليه و يتعمل رقابة وغرامات كبيرة على كل التصرفات و العادات العشوائية اللى بتحصل دى عشان تنتهى خالص

كلامى مش هيعجب ناس كتير و فاكرين انهم هيدخلوا يدونى محاضرات عن حق الغلابة فى الفسحه ، لا .. اللى هيروح يتفسح بجلابية البيت ومش مستحمى من اسبوعين و بيقطع الشجر و بيرمى الزبالة على الحيوانات ده يبقى يروح يتفسح على الترعة او جنب اى بكابورت ، آراء الاخوة المثاليين يحطوها بين فخادهم .

(هشام سرى)

*****************************
شكرا لكم لمتابعتنا ونعدكم دائما بتقديم كل ما هو افضل .. ونقل الاخبار من كافة المصادر الاخبارية وتسهيل قراءتها لكم. لا تنسوا عمل لايك لصفحتنا على الفيسبوك ومتابعة آخر الاخبار على تويتر. مع تحيات اسرة;
موقع مصر الجديدة الإخباري

اضف رد

لن يتم نشر البريد الإلكتروني . الحقول المطلوبة مشار لها بـ *

*